مدونة سبلاش

العودة للمدارس صارت قريبة، وكلنا متحمسين لرجعتها، وصار الوقت إننا نخطط ونرتب إيش أفضل الملابس لهذا العام الدراسي الجديد، بالإضافة لتطبيق كل التدابير الوقائية والتباعد الاجتماعي، ورغم أن الأجواء بتكون في المدرسة هالسنة غير لكننا لازم نحافظ على أناقتنا سواء كانت حصص أون لاين أو حضور في المدرسة.

خلونا نخطط إيش بنختار من ملابس وأزياء.

 

بداية جديدة!

كلنا نحب البدايات الجديدة، عشان كذا نحب بداية السنة الدراسية، وهي الوقت المثالي عشان نعرض أسلوبنا المميز في الأزياء، البسي تنورة من الجيرسيه مع قميص برقبة على سبعة كلهم بنفس اللون، مع أحذية مميزة، أو البسي فستان بدون أكمام بطبقات متعددة مع توبر على ذوقك، كل هالاختيارات تقدرين تخليها لأول يوم للعام الدراسي الجديد.

الراحة أهم شي!

تقدر تكون بكامل أناقتك ومرتاح بنفس الوقت، لما تنسق ملابسك بشكل صحيح! اختار تي شيرت مزين بالرسومات مع بنطلون رياضي أو قميص بولو مع بنطلون جنز، وخليك متأكد أنك بتكون مرتاح فيها طول اليوم. مين ما يبغى أزياء مريحة؟ لو اخترت مجموعة أ المكون من الدنيم بفانت بتختار الراحة والأناقة بنفس الوقت. بصراحة الأناقة والراحة مو شي مستحيل خصوصاً لو تعودت على لبس البجامة طول الوقت الفترة الأخيرة!

.

حافظ على الموضة!

لكل اللي يهتمون بأن إطلالتهم دايم أنيقة، اختارو الملابس العصرية بدون تعب. هذي بعض الأفكار للبنات والشباب.  بالنسبة للشباب كل اللي عليك تلبس أي تي شيرت مرتب مقفل من الأعلى، مع بنطلون رسمي. أما البنات، كوني عصرية مع الجاكيت اللي بخليك في قمة أناقتك!

لا تنسي الإكسسوارات!

ايش أحسن طريقة تخلي اطلالتك روعه مع الإكسسوارات؟ اكسسوارات الشعر صارت مهمة مثل الشباصات والأطواق والربطات اللي صارت موضة هالأيام! وما في أحلى من الملابس اللي بلون واحد مع شباصات شعر ملونة ومشرقة بشكل رهيب. هذي فرصتك عشان تكتشفي عالم الموضة لهذا العام الدراسي، على فكرة تعتبر القبعات كمان طريقة ممتعة عشان تصيرين أجمل وأكثر أناقة.!

رجعنا للأساسيات المدرسية!

أهم شي لبداية عام دراسي جديد هي شنطة الظهر الرهيبة، وتقدر تختارها بسيطة وبألوان قليلة أو شنطة فيها كثير من الألوان والرسومات، كل اللي عليك تختار اللي يناسب شخصيتك! ومع العودة للمدرسة لا تنسى تختار القناع المناسب لك وتخلي معاك واحد ثاني احتياط، لأن سلامتك هي أهم شي!!